Minifutbol üzrə millimizin Türkiyənin Sakarya şəhərində keçiriləcək Avropa Kuboku turnirindəki rəqibləri müəyyənləşib.

Prosport.Az-ın məlumatına görə, Fransada keçirilən püşkatma mərasimindən sonra millimizin B qrupunda mübarizə aparacağı bəlli olub.

Komandamız B qrupunda Fransa, Portuqaliya və Belçika ilə bir qrupda mübarizə aparacaq. Digər qrupda isə meydan sahibi Türkiyə, Bolqarıstan, İspaniya və Qazaxıstan yarışacaq.

Qeyd edək ki, bu yarış Beynəlxalq Minifutbol Federasiyasının bayrağı altında keçirilir. Yarış 19-25 noyabr tarixlərində baş tutacaq.