"İlk növbədə komandanı qələbə münasibətilə təbrik etmək istərdim. Amma oyun planında hər şey heç də ideal deyil".

Prosport.Az-ın xəbərinə görə, bunu "NTD-İndigo" komandasının baş məşqçısı Tahir Baxşıyev "Gəncə" (94:76) üzərində qələbədən sonra deyib.

Millimizin sabiq oyunçusu bildirib ki, inkişaf etmək lazımdır: "Səhvlər üzərində işləyəcəyik. Xüsusilə, müdafiədə daha yaxşı oynamalıyıq, müxtəlif kombinasiyalar üzərində işləməliyik. Gənc oyunçular təcrübə qazanmalıdır. Oyunu təhlil edəcəyik. Deyərdim ki, indiyə qədər komanda görmək istədiklərimin yalnız 60%-ni göstərir. Növbəti matç "Xəzri"yə qarşı olacaq. Onların heyətində güclü yerli oyunçular və legionerlər var. Amma qələbə üçün oynayacağıq".