Avropa Liqasının qrup mərhələsində keçiriləcək “Qarabağ” – “Bayer” (Almaniya) oyununa bilet satışı davam edir.

Prosport.Az xəbər verir ki, artıq 24 min bilet satılıb.

Bu barədə Ağdam klubu məlumat yayıb.

Tofiq Bəhramov adına Respublika stadionunda keçiriləcək matçın biletlərinin qiyməti müvafiq olaraq 5, 20, 40 və 100 manat təşkil edir.

Satış məntəqələri:
Iticket.az-ın satış məntəqələri (iticket.az-da onlayn satış);
Park Bulvardakı “Qarabağ” FK-nın Fan-Şopu;
Tofiq Bəhramov adına Respublika stadionunun kassaları;

“Changan Azerbaijan”da isə VIP və CAT 1 biletlər satılacaq.

Noyabrın 9-da Tofiq Bəhramov adına Respublika Stadionunda keçiriləcək “Qarabağ” – “Bayer” matçı saat 21:45-də başlayacaq.