Futbol üzrə Azərbaycan Premyer Liqasında XII turun daha bir oyunu keçirilib.

Prosport.Az xəbər verir ki, günün ilk matçında "Qarabağ" "Kəpəz"i qəbul edib.

Tofiq Bəhramov adına Respublika stadionunda reallaşan qarşılaşma Ağdam təmsilçisinin 7:1 hesablı qələbəsi ilə yekunlaşıb.

"Köhlən atlar"ın qollarını 2, 15 və 43-cü dəqiqələrdə Yassin Benzya, 13-cü və 51-ci dəqiqədə Leandru Andrade, 37-ci dəqiqədə Olaviu Juninyu, 63-cü dəqiqədə Nəriman Axundzadə vurub. Qonaqların heyətində isə 18-ci dəqiqədə Adama Nyan fərqlənib.

Bu nəticədən sonra xallarının sayını 23-ə çatdıran "Qarabağ" liderliyə yüksəlib. "Kəpəz" 6 xalla sonuncudur.

Qeyd edək ki, günün digər görüşündə "Sumqayıt" "Araz-Naxçıvan"ı qəbul edir. "Qəbələ" – "Neftçi" və "Sabah" – "Zirə" oyunları isə sabah gerçəkləşəcək.

Ötən gün "Səbail" evdə "Turan Tovuz"u 2:1 hesabı ilə üstələyib.