“Bu günə mən uzun illər idi hazırlaşırdım. İlk dünya çempionatım istədiyim kimi alınmamışdı, 3-cü yerə çıxmışdım. O vaxt qarşıma məqsəd qoymuşdum ki, çempion olub, qızıl medal qazanacağam. Və budur istəyimə çatdım və qızıl medalı əldə etdim".

Prosport.Az xəbər verir ki, bunu parakarate üzrə dünya çempionumuz Emiliya Mitlinova deyib.

Macarıstanın paytaxtı Budapeştdə keçirilən dünya çempionatında qızıl medal qazanan idmançımız paralimpiya çempionu olmaq istədiyini də bildirib: "Bundan sonra karate Olimpiya Oyunlarına salınsa, növbəti hədəfim Paralimpiadanın qızıl medalı olacaq. Amma hələlik bu mənim ən böyük uğurumdur”.