"Qarabağ" 2023/2024 mövsümünün Çempionlar Liqasının təsnifat mərhələ oyunlarını "Azersun Arena"da keçirəcək.

Prosport.az-ın məlumatına əsasən, buna səbəb Tofiq Bəhramov adına Respublika stadionunda təmir işlərinin başlamasıdır. Bu işlər 2 ay zaman alacaq. Mərkəzi arenanın otaqları və ot örtüyü yenilənəcək.

"Azersun Arena"da isə avrokubokların ilk oyunlarına hazırlıq gedir. UEFA-nın tələbi ilə stadionun yaxınlığında parkinq quraşdırılıb. Bundan əlavə, stadionda oyunların televiziya çəkimi tribunalar tərəfdə deyil, əksi istiqamətdən olacaq. Daha əvvəl çəkiliş zamanı stadionda azarkeşlər görünmürdü və tribuna olmayan hissə ekranlarda idi.

"Qarabağ"ın 2-3 ev oyununu "Azersun Arena"da keçirməsi planlaşdırılıb. Tofiq Bəhramovda işlər bitdikdən sonra komanda mərkəzi stadiona qayıdacaq.

Çempionlar Liqasının 1-ci təsnifat mərhələsi iyulun 11-də başlayacaq.