Karate millimizin dünya çempionatında çıxış edəcək heyətində dəyişiklik olunub.

Prosport.Az xəbər verir ki, kumitedə Fəridə Əliyeva zədəli olduğu üçün heyətdən çıxarılıb. Qadın kumite millimizin tərkibini fərdi yarışlarda qüvvəsini sınayacaq 4 idmançımız təşkil edəcək. Həmçinin, gənc kata idmançısı Zəhra Qurbanzadə yarışa aparılmayacaq.

Kişi kumite komandamızda isə Pənah Abdullayevi Murad Hacızadə (+84 kq) əvəzləyib. Çünki o əlavə keçirilən görüşdə Pənaha qalib gəlib.

Bundan başqa, parakaratedə məşqçilər heyəti Nihat Məmmədzadə, Eldar Əhmədov, Vidadi Xalıqov, Emiliya Mitlinova və Ariana Mitlinovaya güvənəcək.

11:06

24-29 oktyabr tarixlərində Macarıstanın paytaxtı Budapeştdə keçiriləcək dünya çempionatında Azərbaycanın 15 karateçisi mübarizə aparacaq.

Prosport.Az-ın məlumatına görə, kişilərdə 9, qadınlarda 6 karateçimiz qüvvəsini sınaycaq. Bu yarışda uzun müddətdən sonra Azərbaycan qadınlar üzrə kata yarışında da təmsil olunacaq. Zəhra Qurbanzadə dünya çempionatında debüt edəcək.

Kumite (kişilər): Əminağa Quliyev (60 kq), Tural Ağalarzadə (67 kq), Fərid Ağayev (75 kq), Turqut Həsənov (84 kq), Asiman Qurbanlı (+84 kq) 

Kumite (qadınlar): Fidan Teymurova (50 kq), Mədinə Sadıqova (55 kq), Renata Ərəbli (61 kq), İrina Zaretskaya (68 kq)

Kumite komandası (kişilər): Pənah Abdullayev, Tural Ağalarzadə, Fərid Ağayev, Firdovsi Fərzəliyev, Asiman Qurbanlı, Turqut Həsənov, Rafiz Həsənov

Kumite komandası (qadınlar): Fəridə Əliyeva, Renata Ərəbli, Mədinə Sadıqova, İrina Zaretskaya

Kata (kişilər): Roman Heydərov

Kata (qadınlar): Zəhra Qurbanzadə

Qeyd edək ki, bu yarış üçün 112 ölkənin 1129 atleti qeydiyyatdan keçib. Bu, 2023-cü ildə karatenin ən mötəbər yarışı hesab olunur.