Macarıstanda yerli “Puşkaş Akademiya” və "Qəbələ" komandaları arasında keçiriləcək UEFA Gənclər Liqasının I mərhələsinin cavab oyunu üçün təyinatlar bəlli olub.

Prosport.Az xəbər verir ki, qarşılaşma Norveçdən olan hakimlər briqadasına tapşırılıb.

Ərəb əsilli FIFA referisi Məhəmməd Usman Aslama Tom Harald Qronevik və Yorqen Roninq Valstadsve laynsman qismində yardımçı olacaq. 4-cü hakim funksiyasını macarıstanlı Marton Rus yerinə yetirəcək.

Qeyd edək ki, “Puşkaş Akademiya” – "Qəbələ" görüşü oktyabrın 25-də, saat 18:00-da keçiriləcək. Tərəflər arasında Qəbələ şəhər stadionunda gerçəkləşən ilk oyun 1:1 hesabı ilə başa çatıb.