24-29 oktyabr tarixlərində Macarıstanın paytaxtı Budapeştdə karate üzrə 26-cı dünya çempionatı keçiriləcək.

Prosport.Az xəbər verir ki, Ümumdünya Karate Federasiyası (WKF) əvvəlki son 6 dünya çempionatına nəzər salıb.

Bunların arasında Azərbaycan idmançıları ilə bağlı qeydlər də var. Qeyddə həvəskar karate karyerasını başa vurmuş beşqat dünya çempionumuz Rafael Ağayev "Şərqin Panterası" və bütün zamanların ən uğurlu karateçisi kimi adlandırılıb:

"2010-cu il. Belqrad (Serbiya). Karate üzrə superulduz Rafael Ağayev də Belqradda 4-cü dəfə dünya çempionu titulunu qazanan zaman yarşın böyük simalarından biri oldu. “Şərqin Panterası” kumite 75 kq çəki kateqoriyasında əla performans göstərərək italiyalı Luici Buzadan üstün oldu və yaddaqalan final görüşündə onu məğlub etdi.

2016-cı il. Lints (Avstriya). Karatenin Tokio 2020 Olimpiya Oyunlarının idman proqramına daxil edilməsi qərarından sonra ilk dünya çempionatı kimi idman tarixinə düşdü. Yarış unudulmaz çıxışlarla yadda qaldı.

Rafael Ağayev 5-ci dünya çempionu titulunu qazanması ilə karatenin ən böyük ulduzu statusunu təsdiqlədi. Azərbaycanlı karateçi 2006, 2008 və 2010-cu illərdə qızıl medallara yiyələnmiş və sürət, bacarıq və ambisiyaların təsirli nümayişi fonunda Lintsdə də qalib gəlmişdi. “Şərqin panterası” finalda misirli Ömər Abdel Rəhmanı məğlub edəndə karate dünyası Rafael Ağayevi bütün zamanların ən uğurlu karateçisi kimi alqışladı.

2021-ci il. Dubay (BƏƏ). Bu dünya çempionatı əvvəlki yarışların uğurunu davam etdirdi və idmanın Tokio 2020 Olimpiya Oyunlarında iştirakından sonra karatenin qlobal əhatəsini daha da genişləndirdi. Yarış COVID-19 qlobal pandemiyası fonunda keçirilsə də, turnirdə 105 ölkədən 900 idmançı iştirak etdi.

Yarışda hazırda öz kateqoriyalarında dominantlıq edən 2 idmançı mükafatlandırıldı. Azərbaycan idmançısı İrina Zaretskaya 68 kq çəki dərəcəsində qızıl medala sahib çıxdı. O, Olimpiadada gümüş medal və Avropa çempionluğundan sonra dünya çempionu adını qazanaraq karatenin elitası arasında yerini təsdiqlədi".