AFFA-nın inzibati binasında Klublar Komitəsinin növbəti iclası keçirilib.

Prosport.Az xəbər verir ki, iclasda AFFA-nın prezidenti Rövnəq Abdullayev, baş katib Sərxan Hacıyev, Peşəkar Futbol Liqasının prezidenti Elxan Səmədov, vitse-prezidenti Aslan Şahgəldiyev və Azərbaycan Premyer Liqasında mübarizə aparan klubların nümayəndələri iştirak ediblər.

İclasda ölkə futbolu ilə bağlı müxtəlif məsələlər müzakirə olunub.

Qeyd edək ki, Rövnəq Abdullayev ilk dəfə 2014-cü ilin sonlarında yaradılmış Klublar Komitəsinin iclasında iştirak edir. Bu da səbəbsiz deyil. Əvvəllər SOCAR və Cüdo Federasiyasının prezidenti kimi məşğul olan Abdullayev indi sadəcə İqtisadiyyat nazirinin müavinidir və belə iclaslarda iştirak etməyə vaxt tapır.