Azərbaycan Karate Federasiyası (AKF) ilə üzv federasiyaların müqavilə imzalanma mərasimi keçirilib.

Prosport.Az xəbər verir ki, tədbir Fövqəladə Hallar Nazirliyinin İdman Sağlamlıq Klubunda baş tutub.

İlk olaraq federasiya prezidenti Ülvi Quliyev çıxışında bir sıra məsələlərin həlli üçün toplaşdıqlarını bildirib: “Azərbaycan Karate Federasiyası Gənclər və İdman Nazirliyi ilə müqavilə imzalayıb. Buna uyğun olaraq da digər federasiyalar AKF ilə saziş bağlamalıdır. Bunlar Gənclər və İdman Nazirliyinin reqlamentinə uyğundur”.

Tədbirdə bildirilib ki, AKF-in nəzdində fəaliyyət göstərəcək federasiyalar yarışlar keçirməzdən 1 ay öncədən onları məlumatlandırmalıdır.

Daha sonra 6 federasiya rəhbərliyi (Milli Karate Federasiyası, Fullkontakt Kyokuşin Federasiyası, Şorindziryu Kenkokan Karate-do Kosiki Karate Federasiyası, Ənənəvi Karate-do Federasiyası, Şotokan Karate-do Federasiyası, Aşihara Karate Federasiyası) Azərbaycan Karate Federasiyası ilə müqavilə imzalayıb.