Futbol üzrə Azərbaycan I Divizionda çempion müəyyənləşib.

Prosport.Az xəbər verir ki, “Araz Naxçıvan” tarixində 2-ci dəfə aşağı dəstənin qalibi olub.

2013/14 mövsümündəki uğurunu təkrarlayan Muxtar Respublika təmsilçisi çempionluğu XXVII turda rəsmiləşdirib. Ötən çempionatın qalibi “Qaradağ Lökbatan”la qarşılaşan Azər Bağırovun yetirmələri səfərdə 2:0 hesablı qələbə qazanıb. Bununla da “Araz Naxçıvan” 25 oyundan sonra xallarının sayını 63-ə çatdırıb.

Ən yaxın izləyicisi “Neftçi-2”ni 11 xal qabaqlayan naxçıvanlılar mövsümün sonuna 3 tur qalmış qızıl medalları təmin edib. “Araz Naxçıvan” I Divizionda (əvvəl I dəstə adlanıb) 2 dəfə çempion olan 5-ci komandadır. Bunadək MOİK, “Neftçala”, “Qaradağ Lökbatan” və “Turan Tovuz” da 2 uğura imza atıb.

I Divizionun qalibləri

1992. "ANS Pivani" (Bakı)

1993. "Xəzri" (Bakı)

1993/94. "Azneftyağ" (Bakı) və "Zabrat"

1994/95. "Şəmkir"

1995/96. "Xəzər" (Sumqayıt)

1996/97. "Göyçay"

1999/2000. "Şahdağ" (Quba)

2000/01. MOİK (Bakı)

2001/02. "Lokomotiv" (İmişli)

2003/04. "Gənclərbirliyi" (Sumqayıt)

2004/05. "Şüvəlan" (Bakı)

2005/06. "Qəbələ"

2006/07. "Masallı"

2007/08. "Bakılı"

2008/09. ABN (Bərdə)

2009/10. "Kəpəz" (Gəncə)

2010/11. "Abşeron" (Bakı)

2011/12. "Qaradağ Lökbatan" (Bakı)

2012/13. "Ağsu"

2013/14. "Araz Naxçıvan"

2014/15. "Neftçala"

2015/16. "Neftçala"

2016/17. "Turan Tovuz"

2017/18. "Xəzər" (Bakı)

2018/19. MOİK (Bakı)

2019/20. "Turan Tovuz"

2020/21. "Neftçi-2" (Bakı)

2021/22. "Qaradağ Lökbatan" (Bakı)

2022/23. "Araz Naxçıvan"

Qeydlər: I divizionda (dəstədə) oynadığı vaxt başqa ad altında çıxış edən komandalar sonradan daşıdığı adla göstərilib. 1993/94 mövsümündə qrupların qalibləri arasında final oyunu keçirilməyib. 1997/98 və 1998/99 mövsümlərində I dəstə, 2002/03 mövsümündə ölkə çempionatı keçirilməyib.