Azərbaycan Minifutbol Federasiyasının (AMF) fəxri prezidenti Orxan Məmmədov və federasiyanın üzvləri ölkəmizdə səfərdə olan Ümumdünya Minifutbol Federasiyasının (WMF) prezidenti Filip Сuda, Afrika Minifutbol Konfederasiyasının prezidenti Əşrəf Ben Salfa, Türkiyə Minifutbol Federasiyasının prezidenti Cem Durul, İtaliya Minifutbol Federasiyasının prezidenti Canluka Finatsi, CAR Minifutbol Federasiyasının prezidenti Edqar Sandamela və digər ölkələrin federasiya rəhbərləri ilə görüşüblər.

Prosport.Az xəbər verir ki, görüşdə qonaqlar Heydər Əliyevin 100 illik yubileyinə həsr olunmuş Beynəlxalq Minifutbol Turnirinin təşkilini yüksək qiymətləndiriblər.

Həmçinin Azərbaycanda bu idman növünün təbliğinin yüksək səviyyədə aparıldığını, bu işdə AMF-nin səmərəli fəaliyyətini xüsusi vurğulayıblar. Qeyd edilib ki, Azərbaycanda minifutbola göstərilən diqqət və qayğı bir çox ölkələrə nümunə olmalıdır.

Minifutbol üzrə dünya və Avropa çempionatlarının ölkəmizdə keçirilməsinə dair fikir mübadiləsinin aparıldığı görüşdə Azərbaycanın dünyanın ən mötəbər idman yarışlarına uğurla ev sahibliyi etdiyi və təşkilatçılıq sahəsində böyük təcrübəsi olduğu qeyd edilib.