Azərbaycanda ilk dəfə təşkil olunan çimərlik polosu üzrə “Sea Breeze 2026” beynəlxalq turnirində bu gün final və üçüncü yer uğrunda oyunlar keçiriləcək.

Prosport.Az xəbər verir ki, finalda Azərbaycan təmsilçisi “Elit Polo Club” İsveçrənin “Sankt Mortiz” kollektivi ilə qarşılaşacaq.

Üçüncü yer uğrunda görüşdə isə Böyük Britaniyanın “Red Star” komandası Rusiya təmsilçisi “Moscow Polo Club”la üz-üzə gələcək.

Hər iki qarşılaşma saat 16:00-da başlayacaq.

Qeyd edək ki, yarımfinalda “Elit Polo Club” “Red Star”ı 9:7, “Sankt Mortiz” isə “Moscow Polo Club”u 6:4 hesabı ilə məğlub edib.