“Qarabağ”ın UEFA Avropa Liqasının pley-off mərhələsində Sloveniya klubu “Olimpiya” ilə keçirəcəyi cavab oyununu yayımlayacaq telekanal dəyişib.

Prosport.Az xəbər verir ki, əvvəlcə “CBC Sport”la razılaşan Ağdam təmsilçisi sonradan fərqli qərar qəbul edib.

Tamaşaçılar sabah baş tutacaq qarşılaşmanı “İdman TV” telekanalı vasitəsilə izləyə biləcək. Görüş saat 20:00-da başlayacaq.

Qeyd edək ki, avqustun 24-də Lyublyanada keçirilən ilk oyunun yayım hüququna malik olan “İdman TV” matçı yalnız 69-cu dəqiqədən etibarən canlı təqdim etməyi bacarmışdı.

Onu da bildirək ki, "Qarabağ"ın direktoru Əmrah Çəlikəl dünən Prosport.Az-a açıqlamasında AzTV rəhbərliyi ilə telefonda danışdıqlarını və aralarında artıq hansısa anlaşılmazlıq olmadığını bildirib.