Ötən mövsüm minifutbol üzrə Azərbaycan çempionatında bürünc medallar qazanmış "Qarabağ" komandasının adı dəyişdirilib.

Prosport.Az-ın xəbərinə görə, komanda yeni mövsümdə "Zəngəzur" adı ilə təmsil olunacaq.

Buna səbəb isə "Qarabağ" FK-nın minifutbol komandasının yeni mövsümdən Azərbaycan çempionatında yarışmaq ehtimalının çox yüksək olmasıdır.

Qeyd edək ki, "Zəngəzur" bu il Azərbaycanı minifutbol üzrə 2-ci səviyyəli klub turniri olan Avropa Kubokunda təmsil edəcək. Yarış 13-17 sentyabrda Bolqarıstanın Günəşli Sahil (Slançev Bryaq) dənizkənarı istirahət mərkəzindəki minifutbol meydançasında təşkil olunacaq.