Azərbaycan minifutbol millisinin Birləşmiş Ərəb Əmirliklərinin Ras Əl-Xayma şəhərində keçiriləcək dünya çempionatındakı oyunlarının təqvimi müəyyənləşib.

Prosport.Az xəbər verir ki, yığmamız G qrupunda İraq, Misir və Tunislə mübarizə aparacaq.

Komandamız ilk oyununu oktyabrın 27-də İraqa qarşı keçirəcək. Matç saat 21:00-da başlayacaq. Millimiz bundan 2 gün sonra Misirlə (18:30), oktyabrın 31-də isə Tunislə (21:00) üz-üzə gələcək. Qrupda ilk 2 yeri tutacaq komandalar 1/8 finala vəsiqə qazanacaq.

Qeyd edək ki, dünya çempionatına noyabrın 4-də final matçı ilə yekun vurulacaq.