Minifutbol üzrə Azərbaycan milli komandası Bakıda Heydər Əliyevin 100 illik yubileyi münasibətilə keçirilən beynəlxalq turnirə heç-heçə ilə başlayıb.

Prosport.Az xəbər verir ki, yığma A qrupunun ilk turunda Çexiya seçməsi ilə qarşılaşıb.

Bakı Tennis Akademiyasında baş tutan görüşdə qapılara qol vurulmayıb. Bu qrupun ilk matçında Serbiya millisi Gürcüstana minimal hesabla (1:0) qalib gəldiyindən, qrupa liderlik edir. Komandamız bu gün saat 20:30-da ilk turda istirahət etmiş İtaliya ilə qarşılaşacaq.

Qeyd edək ki, turnirə mayın 6-da yekun vurulacaq.