Maqnus Karlsen Dünya Kubokunun qalibi olub.

Prosport.Az xəbər verir ki, Bakıda keçirilən şahmat üzrə Dünya Kuboku sona çatıb. Bu gün yarışda tay-brek oyunları keçirilib.

Beşqat dünya çempionu Maqnus Karlsen finalda hindistanlı Rameşbabu Praqnananda üzərində qələbə qazanıb. Daha təcrübəli norveçli şahmatçı tay-brekdə 1 qələbə və 1 heç-heçə ilə finalın taleyini həll edib. Bununla da Karlsen karyerasında ilk dəfə Dünya Kubokuna Bakıda sahib çıxıb. 

III yer uğrunda görüşdə isə Azərbaycan şahmatçısı Nicat Abbasov ABŞ təmsilçisi Fabiano Karuanaya məğlub olub. Tay-brekdəki hər 2 oyunda qalib gələn Karuana yarışın bürünc medalını qazanıb. Abbasov karyerasında ilk dəfə Dünya Kubokunda 4-cü yeri tutub.

Qeyd edək ki, yarışda ilk 3 yeri tutan şahmatçılar İddiaçılar Turnirinə vəsiqə qazanıb. Lakin Maqnus Karlsen bu yarışdan imtina edəcəyi halda, Nicat Abbasov 3-cü şahmatçı kimi ilk dəfə İddiaçılar Turnirində yarışacaq.