UEFA Konfrans Liqasının III təsnifat mərhələsində Polşada "Rakuv" və İsveçin "Hammarbü" komandaları arasında keçiriləcək ilk oyunun hakimləri bəlli olub.

Prosport.Az xəbər verir ki, avqustun 6-da oynanılacaq görüş Ermənistandan olan hakimlər briqadasına tapşırılıb.

Matçı Henrik Nalbandyan idarə edəcək. Yan xətt hakimləri Mesrop Qazaryan və Artur Qdlyan olacaq. 4-cü hakim funksiyasını Yura Maxtesyan yerinə yetirəcək.

Qeyd edək ki, "Rakuv"da Azərbaycan millisinin üzvü Mahir Emreli də çıxış edir. O, bu yay "Kayzerslautern"dən icarə əsasında heyətə qatılıb.