"Zirə" UEFA Konfrans Liqasının II təsnifat mərhələsində cavab oyununa çıxıb.

Prosport.Az xəbər verir ki, Azərbaycan təmsilçisi Sumqayıtda Estoniyanın "Payde" klubunu qəbul edib.

Sumqayıt şəhər stadionunda təşkil olunan görüş 1:1 hesablı heç-heçə ilə başa çatıb.

Nominal meydan sahiblərinin heyətində 5-ci dəqiqədə Eren Aydın adını tabloya yazdırıb. Qonaqlarda isə 71-ci dəqiqədə Henri Anier fərqlənib.

"Payde" evdə 1:0 hesabı ilə qələbə qazandıgı üçün növbəti mərhələyə adlayıb. "Zirə" isə avrokuboklara vidalaşıb.