Azərbaycan milli komandasının sabiq baş məşqçisi Coko Xaciyevski Bolqarıstanın "Spartak" (Varna) klubundan ayrılıb.

Prosport.Az xəbər verir ki, şimali makedoniyalı mütəxəssisin müqaviləsinə onun öz istəyi ilə xitam verilib.

71 yaşlı baş məşqçinin ayrılıq qərarının əsas səbəblərindən birinin Bolqarıstanda iş vizasının uzadılması ilə bağlı yaranan gecikmə olduğu bildirilir. Hacıyevski qərarını "Çerno More" üzərində Varna derbisində 3:0 hesablı qələbədən sonra klub rəhbərliyinə çatdırıb və bu uğuru "Spartak"dakı missiyasının ən gözəl sonluğu hesab edib.

Klubun rəsmi açıqlamasında qeyd olunub ki, təcrübəli mütəxəssis komandanı çətin dönəmdə qəbul edib, ötən mövsüm onun rəhbərliyi altında "Spartak" elitada yerini qoruyub. Yeni mövsümdə isə o, rəhbərliyə verdiyi sözü tutaraq komandaya qələbə ruhunu qaytarıb və azarkeşlərə uzun illərdən sonra "Çerno More" üzərində tarixi derbi zəfəri yaşadıb.

Qeyd edək ki, Qeorqi Xacıyevski 2007-ci ildə Azərbaycan milli komandasının baş məşqçisi olub. O, "Bakı" (2007-2009) və "Simurq" (2010-2011) klublarında da eyni vəzifəni daşıyıb. Xaciyevski 2009-cu ildə Azərbaycan çempionu titulunu qazanıb.