Braziliyanın “Sport Resife” klubunun futbolçusu Marselo Ajul “Qarabağ”dan təklif alıb.

Prosport.Az xəbər verir ki, bu barədə “CanalGoat” portalı məlumat yayıb. Müdafiəçi transfer dönəmində Portuqaliyanın “Alverka” və Azərbaycanın “Qarabağ” klublarından təklif alsa da, “Sport Resife”nin cavabı “yox” olub.

Ajulun klubu ilə müqaviləsi 2027-ci ilin sonuna kimidir.

“Sport Resife” Braziliya B Seriyasında 20 turdan sonra 29 xalla 10-cu sıradadır.