UEFA Konfrans Liqasının II təsnifat mərhələsində “Zirə”nin rəqibi olan Estoniyanın “Payde” klubunun baş məşqçisi Tarmo Kink cavab qarşılaşmasından əvvəl keçirilən mətbuat konfransında fikirlərini bölüşüb.

Prosport.Az xəbər verir ki, estoniyalı mütəxəssis matça tam hazır olduqlarını bildirib:

“Çətin oyun olacaq. Artıq nə etmək lazım olduğunu bilirik. Əlimizdən gələni edəcəyik ki, mərhələni keçək. İlk oyunda "Zirə"nin üstün olması fikri ilə razı deyiləm. Biz rəqibi daha çox sıxışdırmışdıq. Bəli, ilk hissədə ‘Zirə’nin müəyyən dominantlığı var idi, amma bu o demək deyil ki, sabahkı oyunda müdafiəyə qapanacağıq. Tam olaraq yaxşı formadayıq və matça hazırıq”.

Tarmo Kink “Zirə”nin baş məşqçisi Rəşad Sadıqov haqqında da danışıb: “Rəşad Sadıqovun hansı dövrdə oynadığını xatırlamıram. Azərbaycan millisinə qarşı futbolçu kimi cəmi 2 oyunum olub. Həmin vaxt Rəşad Sadıqovla qarşılaşıb-qarşılaşmadığımı dəqiq xatırlamıram”.