Tarixdə ilk, Azərbaycanda 4-cü

“Sabah” tarixində ilk dəfə avrokubokların liqa mərhələsinə vəsiqəni təmin edib.

Prosport.Az xəbər verir ki, bu, UEFA Çempionlar Liqasının II təsnifat mərhələsindən sonra rəsmiləşib.

Finlandiyanın KuPS klubunu mübarizədən kənarlaşdıran (1:0, 2:0) Azərbaycan çempionu III təsnifat mərhələsinə yüksəlib. Bununla da paytaxt təmsilçisi qitə kuboklarından birinin liqa mərhələsində yerini təmin edib. Komandanın UEFA Çempionlar Liqası, Avropa Liqası və ya Konfrans Liqasında oynayacağı növbəti 2 mərhələdən sonra dəqiqləşəcək.

Qitəmiqyaslı turnirlərdə 2023/24 mövsümündə debüt edən “Sabah” buna avrokuboklardakı 4-cü mövsümündə nail olub. “Sabah” Azərbaycan futbolu tarixinə qitə kuboklarında əsas mərhələyə yüksələn 4-cü komanda kimi düşüb. Bunadək 3 komanda - “Neftçi”, “Qarabağ” və “Qəbələ” ümumilikdə 15 dəfə belə uğura imza atıb.

“Neftçi” – 1 dəfə
UEFA Avropa Liqası – 2012/13
“Qarabağ” – 12 dəfə
UEFA Avropa Liqası – 2014/15
UEFA Avropa Liqası – 2015/16
UEFA Avropa Liqası – 2016/17
UEFA Çempionlar Liqası – 2017/18
UEFA Avropa Liqası – 2018/19
UEFA Avropa Liqası – 2019/20
UEFA Avropa Liqası – 2020/21
UEFA Konfrans Liqası – 2021/22
UEFA Avropa Liqası – 2022/23
UEFA Avropa Liqası – 2023/24
UEFA Avropa Liqası – 2024/25
UEFA Çempionlar Liqası – 2025/26
“Qəbələ” – 2 dəfə
UEFA Avropa Liqası – 2015/16
UEFA Avropa Liqası – 2016/17
“Sabah” – 1 dəfə
Avrokuboklar - 2026/27