“Sabah”a qarşı mövsümün ən yaxşı oyununu keçirməliyik”.

Prosport.Az xəbər verir ki, bu sözləri Finlandiyanın KuPS klubunun baş məşqçisi Miika Nuutinen UEFA Çempionlar Liqasının II təsnifat mərhələsində “Sabah”a qarşı keçirəcəkləri cavab oyunundan öncə mətbuat konfransında deyib.

Mütəxəssis Bakıda 0:1 hesabı ilə uduzduqları ilk görüşdən lazımi nəticələr çıxardıqlarını bildirib. "Növbəti mərhələyə yüksəlmək üçün yaxşı şansımız olacaq. İlk matçdan dərs çıxarmışıq və ötən həftə ilə müqayisədə oyuna daha yaxşı nəzarət etmək istəyirik. Azarkeşlərimizin dəstəyi ilə hər şey mümkündür”.

Qeyd edək ki, KuPS – “Sabah” görüşü sabah Bakı vaxtı ilə saat 19:00-da "Vare Arena"da keçiriləcək.