Azərbaycan millisinin futbolçusu Toral Bayramovun çıxış etdiyi "Bursaspor" növbəti yoxlama oyununu keçirib.

Prosport.Az xəbər verir ki, Bursa təmsilçisi son Ukrayna çempionu "Şaxtyor"la üz-üzə gəlib. Bursa stadionunda keçirilən qarşılaşma qolsuz bərabərliklə yekunlaşıb – 0:0.

Toral Bayramov matça start heyətdə başlayıb və fasilədə Barış Gök ilə əvəzlənib.

Qeyd edək ki, Toral Bayramov bu ilin yayında "Qarabağ"dan "Bursaspor"a transfer olunub. O, 2018–2026-cı illərdə Ağdam klubunun formasını geyinib və 2021-ci ildən Azərbaycan millisinin şərəfini qoruyur.