Argentina millisinin kapitanı Lionel Messi 2026-cı il dünya çempionatından sonra komanda yoldaşlarına xüsusi hədiyyə təqdim edib.

Prosport.Az xəbər verir ki, bu barədə Argentina millisinin müdafiəçisi Markos Senesinin sevgilisi Kelsi-Rouz Bauers sosial şəbəkə hesabında paylaşım edib.

Onun sözlərinə görə, Messi milli komandanın bütün futbolçularına adları həkk olunmuş fərdiləşdirilmiş mate dəstləri hədiyyə edib.

"Bu, Markosun turnirdən sonra aldığı, üzərində onun adı yazılmış fərdiləşdirilmiş çantadır. Messi bunu bütün futbolçulara hədiyyə edib. Dəstin içində qızılı rəngdə termos, fincan və böyük mate qabı var. Markos onu qoruyub saxlamam üçün mənə verdi və Mayamiyə gətirməyimi istədi. Həmçinin, mate hazırlamaq üçün yerba da verdi. Bu hədiyyə həqiqətən möhtəşəmdir", – deyə Bauers bildirib.