İtaliyanın "Komo" klubu akademiyasında çıxış edən uşaqların sağlamlığını qorumaq məqsədilə başla oyuna yeni məhdudiyyətlər tətbiq edib.

Prosport.Az xəbər verir ki, yeni qaydalara əsasən, 10 yaşadək futbolçuların məşq və rəsmi oyunlarda başla oynaması tamamilə qadağan olunub.

12 yaşadək futbolçulara ayda bir dəfə, maksimum 5 baş zərbəsi ilə, 13 yaşadək oyunçulara isə həftədə bir dəfə, maksimum 5 baş zərbəsi ilə məşq etməyə icazə verilib. Hər iki yaş qrupuna rəsmi matçlarda başla oynamaq isə qadağandır.

Klubun təhsil şurasının üzvü, sabiq Fransa millisinin müdafiəçisi Rafael Varan qərarı dəstəklədiyini bildirib.

"Mən dəfələrlə futbolçuların baş zərbələrinə ciddi yanaşmasının və uşaqlarımızı qorumağın vacibliyini demişəm. Bu sistem beynin inkişaf etdiyi erkən yaşlarda gərəksiz təmasları azaldır və gələcəkdə bu bacarığın tədricən, nəzarət altında öyrədilməsinə şərait yaradır", – deyə Varan vurğulayıb.