İngiltərənin "Liverpul" klubu gürcüstanlı qapıçı Georgi Mamardaşvilini növbəti mövsüm üçün icarəyə verməyi planlaşdırır.

Prosport.Az xəbər verir ki, bu barədə "TeamTalk" nəşri məlumat yayıb.

Məlumata görə, Mersisayd təmsilçisi braziliyalı qolkiper Alisson Bekeri heyətdə saxlamaq qərarına gəlib. 33 yaşlı qapıçının növbəti mövsümdə də komandanın əsas heyət üzvü olacağı bildirilir.

Qeyd olunur ki, İtaliyanın "Yuventus" klubu Alissonun transferində maraqlıdır. Lakin "Liverpul" rəhbərliyi təcrübəli qolkiperlə yolları ayırmaq niyyətində deyil. Klub, Endryu Robertson və Məhəmməd Salahın gedişindən sonra uzun illərdir əsas heyətdə çıxış edən Alissonun komandada qalmasını vacib hesab edir.

Xatırladaq ki, braziliyalı qolkiper 2018-ci ildən "Liverpul"un şərəfini qoruyur.