Polşa Ekstraklasasında 2026/27 mövsümünə start verilib.

Prosport.Az xəbər verir ki, Azərbaycan millisinin hücumçusu Mahir Emrelinin çıxış etdiyi "Rakuv" çempionatın ilk turunda bu gün "Visla" (Plotsk) ilə qarşılaşacaq.

Mahir Emreli matça start heyətində başlayacaq. Görüş Bakı vaxtı ilə saat 16:45-də start götürəcək.

Xatırladaq ki, millimizin üzvü bu həftə "Rakuv"un heyətində debüt edib. O, UEFA Konfrans Liqasının II təsnifat mərhələsində Maltanın "Valletta" klubuna qarşı keçirilən və komandasının 3:1 hesablı qələbəsi ilə başa çatan oyunda bir qol vuraraq yeni komandasında ilk rəsmi qolunu qeyd edib.