"Formula 1" üzrə Bəhreyn Qran-prisi Yaxın Şərqdəki təhlükəsizlik vəziyyəti ilə əlaqədar Malayziyada keçiriləcək.

Prosport.Az  xəbər verir ki, bu barədə yarışın mətbuat xidməti məlumat yayıb.

Bildirilib ki, mərhələ oktyabrın 2-dən 4-dək Malayziyanın "Sepanq" trasında təşkil olunacaq.

Qeyd edək ki, "Formula 1" rəhbərliyi mart ayında da eyni səbəbdən Bəhreyn və Səudiyyə Ərəbistanında aprel ayına planlaşdırılan yarış mərhələlərini ləğv etmişdi.

Xatırladaq ki, Malayziya 1999–2017-ci illərdə mütəmadi olaraq Formula 1 yarışlarına ev sahibliyi edib. "Sepanq" trasında keçirilən son Qran-prinin qalibi isə niderlandlı pilot Maks Ferstappen olub.