“Şahdağ Qusar” növbəti transferini reallaşdırıb.

Prosport.Az xəbər verir ki, I Liqa təmsilçisi anqolalı Joze Kristovao Zenqonu heyətinə qatıb. 21 yaşlı yarımmüdafiəçi ilə 1+1 illik sözləşmə imzalanıb.

Kristovao ölkəsinin ən köklü klublarından sayılan “Petro Luanda”nın yetirməsidir. "Messias" ləqəbi ilə tanınan futbolçu daha sonra Portuqaliyanın “Vizela” və Xorvatiyanın “Kustosiya” komandalarında forma geyinib.