"Araz Naxçıvan" Bakını tərk edib.

Prosport.Az sportinfo.az-a istinadən xəbər verir ki, muxtar respublika təmsilçisi növbəti mövsümdən ev oyunlarını regionda keçirəcək.

Amma yenə doğma bölgədə yox. "Qırmızı-ağlar" məkan olaraq Qəbələni seçib.

Gündəlik məşqlərini paytaxtda keçirəcək komanda oyundan-oyuna Qəbələyə yollanacaq.

"Qəbələ"nin balansında olan stadion onlar tərəfindən 1 illik icarəyə götürülüb. Bu, yerli klubla aparılan danışıqların yekunudur.

Qeyd edək ki, "Araz-Naxçıvan" ötən 3 mövsümdə rəqiblərini Mərdəkanda qəbul edib. AFFA-nın nəzdindəki arenadan icarə hüququ ilə yararlanıb. Hazırda isə burada yenidənqurma işləri aparılır, süni qazon dəyişdirilir.

Məkan, böyük ehtimalla, tezliklə "Sabah"ın ixtiyarına veriləcək.