Almaniya millisinin yeni baş məşqçisi Yurgen Kloppun rəsmi debüt tarixi müəyyənləşib.

Prosport.Az xəbər verir ki, təcrübəli mütəxəssis Almaniya yığmasının baş məşqçisi kimi ilk oyununa 2026-cı il sentyabrın 24-də çıxacaq.

Bildirilib ki, Almaniya həmin gün UEFA Millətlər Liqasının qrup mərhələsində Niderland millisi ilə üz-üzə gələcək.

Kloppun rəhbərliyi altında Almaniya yığması sentyabrın sonu və oktyabrın əvvəlində ümumilikdə dörd oyun keçirəcək. Komanda Niderlandla yanaşı, qrup mərhələsində Yunanıstan və Serbiya ilə qarşılaşacaq. Almanlar Yunanıstan millisi ilə iki dəfə görüşəcəklər.