Yeni mövsümdə ölkə futbolunda yeni klubun adını eşidəcəyik. “Gəncəbasar” ya I, ya da II Liqada mübarizəyə başlayacaq.

Prosport.Az futbolinfo.az-a istinadən xəbər verir ki, gəncəli iş adamlarının formalaşdırmaq istədiyi komanda təkcə Gəncəni yox, ətraf bölgələri də təmsil edəcək, lakin mərkəz məhz Nizami yurdunda olacaq. “Kəpəz” indidən derbi rəqabətinə hazır olsun, çünki bu komandanın hədəfi Premyer Liqaya yüksəlməkdir.

“Gəncəbasar”ın yaradıcıları öncə “Kəpəz”in idarəçiliyində yer almaq, müəyyən məbləğlə yarım etmək istəyib. Lakin istəklər qəbul edilmədiyindən yeni klub yaratmaq lazım bilinib.

Yeni komandanın birbaşa hansısa liqada oynaması mümkünsüzdür. Bunun üçün Region Liqasından başlayaraq qalib olmalı və daha üst liqalara irəliləməlisən. Yeni sponsorlar isə məsləni daha tez həll etmək üçün hazırda I və ya II Liqada mübarizə aparan klublardan birini alıb adını dəyişməyi planlayır. Danışıqlar gedir və məsələ tezlklə müsbət həllini tapmalıdır. Konkret olaraq hansı komandanın himayəyə götürüləcəyini bilməsək də, ən ehtimal olunan variant “Cəbrayıl”dır.

Xatırlayırsızsa, bir müddət əvvəl “Səbail” də eyni aqibətlə üzləşdi. Qubalı iş adamları Bayıl təmsilçisini aldı, tezliklə adını dəyişərək Şimal bölgəsinə köçürəcək. “Gəncəbasar”la bağlı plan da fərqli deyil. Sadəcə, tezliklə ən münasib variant seçiləcək və aşağı liqa klublardan biri ilə dnışıqlar yekunlaşacaq.