UEFA Avropa Liqasının II təsnifat mərhələsinin ilk matçında "Qarabağ" MOİK-lə (Sofiya, Bolqarıstan) qolsuz heç-heçə edib.

Matçdan sonra MOİK-in üzvü Teodor İvanov Prosport.Az-a müsahibə verib.

– Oyun haqqında fikirləriniz...

– Düşünürəm ki, bu oyunda böyük xarakter nümayiş etdirdik. Rəqib çox güclüdür və heyətində keyfiyyətli futbolçular var. Amma biz də böyük əzmkarlıq göstərdik. Komandamızda çox yaxşı futbolçular var və cavab görüşündə bunu yenidən göstərməyə çalışacağıq.

– Sizcə, "Qarabağ"a qarşı cavab oyununda qələbə üçün nəyi dəyişməlisiniz?

– Əvvəlcə yaxşı bərpa olunmağa çalışacağıq. 2 gündən sonra ölkə çempionatında növbəti oyunumuz var. Həmin qarşılaşmadan sonra bütün diqqətimizi "Qarabağ"a qarşı cavab matçına yönəldəcəyik.

– "Qarabağ"ın heyətində ən təhlükəli futbolçu kimdir?

– Hər kəs təhlükəlidir. Oyunda bizə çox çətinlik yaratdılar. Keyfiyyətli oyunçuları var. Sofiyadakı oyunda da onlarla mübarizə üçün hazırlaşacağıq.

Bahar Rüstəm