“Qarabağ”ın UEFA Avropa Liqasının 2-ci təsnifat mərhələsindəki rəqibi Sofiya MOİK-i portuqaliyalı müdafiəçi Ze Karloşu transfer etmək istəyir.

Prosport.Az yerli mətbuata istinadən xəbər verir ki, 27 yaşlı sağ cinah oyunçusu ilə Yunanıstanın “Volos” klubu və İngiltərə Çempionşip təmsilçiləri də maraqlanır.

Ze Karloş hazırda sərbəst futbolçu statusundadır. Onun kapitanı olduğu “Jil Visente” ilə müqaviləsi başa çatdığından, futbolçunu heyətinə qatmaq istəyən klub hansısa təzminat ödəməyəcək.

Bolqarıstan klubu hazırda Bakıda olsa da, menecerlər futbolçu ilə danışıqları davam etdirir. Ze Karloş özü karyerasını İngiltərədə davam etdirmək arzusundadır.

Qeyd edək ki, Tofiq Bəhramov adına Respublika stadionunda keçiriləcək “Qarabağ” – MOİK oyunu saat 20:00-da başlayacaq.