Polşanın "Rakuv" klubunun hücumçusu Mahir Emreli UEFA Konfrans Liqasının 2-ci təsnifat mərhələsində Maltanın "Valletta" komandasına qarşı keçiriləcək oyunlarda iştirak etməyəcək.
Prosport.Az xəbər verir ki, buna səbəb 29 yaşlı futbolçunun müqaviləsinin gec imzalanmasıdır. Bu üzdən azərbaycanlı hücumçunun adı sözügedən qarşılaşmalar üçün sifariş ərizəsinə daxil edilməyib.
"Rakuv" 2-ci təsnifat mərhələsini uğurla adlayacağı təqdirdə, Mahir Emreli növbəti mərhələnin oyunları üçün komandanın heyətinə əlavə olunacaq.