"Sabah" güclü komandadır".

Prosport.Az xəbər verir ki, bunu Finlandiyanın "KuPS" klubunun qapıçısı Yohannes Kreydl "Sabah"a qarşı keçirəcəkləri UEFA Çempionlar Liqasının II təsnifat mərhələsinin ilk oyunundan əvvəl mətbuat konfransında deyib.

Qolkiper sabahkı matçda əlverişli nəticə qazanmaq istədiklərini bildirib: "Rəqib yaxşı futbolçulardan təşkil olunmuş komandadır. Özümüzü qələbəyə "ac" hiss edirik. Çempionlar Liqası kimi önəmli turnirdə növbəti mərhələyə adlamaq bizim üçün uğur sayılardı. "Sabah" güclü komandadır. Lakin bu rəqibə qarşı meydanda layiqli mübarizə aparmaq istəyirik".

O, Bakını çox bəyəndiklərini bildirib: "Ölkənizi çox bəyənirik. Təəssüf ki, çox qalmağa vaxtımız yoxdur. Hotellərdə yaradılan şərait və qonaqpərvərlik müsbət mənada diqqətimizi çəkdi".

Qeyd edək ki, "Sabah" və "KuPS" komandaları arasında ilk matç iyulun 21-də, saat 20:00-da "Bank Respublika Arena"da keçiriləcək.