2026-cı il Dünya Çempionatının İspaniya – Argentina finalı öncəsi oyunun fasilə müddəti ilə bağlı müzakirələrə FİFA aydınlıq gətirib.

Prosport.Az xəbər verir ki, ABŞ-nin "MetLife" stadionunda keçiriləcək həlledici qarşılaşmada fasilənin 25-30 dəqiqə davam edəcəyi ilə bağlı yayılan iddialardan sonra FİFA rəsmi qərarını hər iki ölkənin futbol federasiyasına çatdırıb.

Qurumun qərarına əsasən, final görüşünün fasiləsi 17 dəqiqə olacaq. Vaxt bölgüsü isə belə müəyyənləşdirilib:

Səhnənin qurulması – 3 dəqiqə;

Musiqili şou – 11 dəqiqə;

Səhnənin sökülməsi – 3 dəqiqə.

FİFA bu qərarın futbolçuların uzun müddət hərəkətsiz qalması nəticəsində yarana biləcək əzələ zədələrinin qarşısını almaq məqsədi daşıdığını bildirib.

Qeyd edək ki, Kris Martinin bədii rəhbərliyi ilə təşkil olunacaq "Super Bowl" üslublu şouda Şakira, Burna Boy, Castin Biber, Madonna, BTS və dirijor Qustavo Dudamel Nyu-York Filarmonik Orkestri ilə birlikdə çıxış edəcək.

Bildirilib ki, "Qlobal Vətəndaş Təhsili Fondu"na dəstək məqsədilə keçiriləcək proqramda iştirak edən sənətçilər səhnəyə heç bir qonorar almadan çıxacaqlar.