Argentina millisinin qapıçısı Emiliano Martines 2026-cı il dünya çempionatı ərzində ciddi zədə ilə mübarizə apardığını açıqlayıb.

Prosport.Az xəbər verir ki, 33 yaşlı qolkiper bildirib ki, may ayında "Aston Vila"nın Avropa Liqasının finalı öncəsi isinmə zamanı barmağını sındırıb.

O, mundialı buraxmamaq üçün əməliyyatdan imtina etdiyini deyib: “Barmağım hələ də ağrıyır. Əməliyyatdan qaçmağa çalışdım. Müxtəlif ölkələrdə əl üzrə mütəxəssislərlə məsləhətləşdim. Mənə dedilər ki, əməliyyat olunsam, dünya çempionatının qrup mərhələsini buraxacağam. Buna görə fərqli hazırlıq keçdim və ilk oyundan 2 gün əvvəl özümü yaxşı hiss etmirdim”.

Qeyd edək ki, Emiliano Martinesin əsas qapıçısı olduğu Argentina millisi bu gün dünya çempionatının finalında İspaniya ilə üz-üzə gələcək.