Fil Dişi Sahili millisinin hücumçusu Sebastyan Haller DÇ-2026-nın yekun heyətinə düşmədikdən sonra peşəkar futbol karyerasını başa vurmaq qərarına gəlib.

Prosport.Az xəbər verir ki, 2023-cü il Afrika Millətlər Kubokunun qəhrəmanı olan Haller baş məşqçi Emerse Faenin dünya çempionatı üçün açıqladığı 26 nəfərlik yekun heyətdə yer almamasını ağır qarşılayıb.

Futbolçunun əmisi bildirib ki, heyət açıqlandıqdan sonra Haller karyerasını bitirmək qərarına gəlib:

“DÇ-2026 üçün 26 nəfərlik yekun heyət açıqlandıqdan sonra futbolu buraxmaq qərarı verdi. O, heyətdən kənarda qalmasını xəyanət kimi qəbul etdi. Deyirdi ki, baş məşqçi ilə müəyyən razılaşmaları olub, amma onların heç biri yerinə yetirilmədi”.

Qeyd edək ki, Sebastyan Haller 2023-cü ildə Afrika Millətlər Kubokunun finalında həlledici qolu vuraraq Fil Dişi Sahili millisini çempionluğa daşıyan futbolçu olmuşdu.