“Neftçi”nin baş icraçı direktoru Cenk Sümer komandanın baş məşqçisi Yuri Vernidubun əsas hədəfinin Azərbaycan çempionu olmaq olduğunu açıqlayıb.

Prosport.Az xəbər verir ki, Sümer bunu UEFA Konfrans Liqasının II təsnifat mərhələsində Belarusun “Dinamo” (Minsk) klubuna qarşı keçiriləcək ilk oyun öncəsi bildirib.

Klub rəsmisi komandanın mövsümə hazırlığını da dəyərləndirib:

“Hazırlıqlarımız yaxşı keçdi. Komandamız Sloveniyada 20-dən çox məşq keçirdi. Dörd yeni transferimiz var. Həm baş məşqçimiz, həm də futbolçularımız hazırlıq prosesindən məmnundur”.

Cenk Sümer transfer gündəmi ilə bağlı da danışıb. O, Freddi Varqasın “Neftçi”nin maraq dairəsində olduğunu təsdiqləyib:

“Freddi Varqas izlədiyimiz transferlərdən biridir. Hazırda danışıqlar sona yaxınlaşır. Amma imza atılmadan hər hansı açıqlama vermək istəmirik”.

Baş icraçı direktor əlavə edib ki, baş məşqçi Yuri Vernidubla gündəlik əlaqə saxlayırlar:

“Baş məşqçimizlə hər gün görüşürük. Maliyyə baxımından onun bizdən hər hansı tələbi yoxdur”.