Bolqarıstanın “Teleqraf” nəşri UEFA Avropa Liqasının III təsnifat mərhələsində SSKA-nın rəqibi olacaq “Qarabağ” haqqında geniş yazı dərc edib.

Prosport.Az xəbər verir ki, yazıda qeyd olunub ki, “Qarabağ”ın ən böyük itkilərindən biri Kamilo Duranın təxminən 6 milyon avroya Şotlandiyanın “Seltik” klubuna satılması, Leandro Andradenin isə Ukraynanın “Polissya Jitomir” komandasına keçməsi olub.

“Qarabağ yaralıdır, amma hələ də çox təhlükəlidir” sərlövhəli məqalədə Ağdam təmsilçisinin son illərdə Avropadakı uğurlarına diqqət çəkilib. Nəşr bildirib ki, Azərbaycan çempionu bir neçə aparıcı futbolçusunu itirsə də, transfer bazarında fəallıq göstərərək heyətini gücləndirib".

Bununla yanaşı, Bolqarıstan nəşri Ağdam klubunun yay transfer pəncərəsində 8 yeni futbolçu heyətə qatdığını vurğulayıb. Bildirilib ki, Bruno Lanqa (“Almeriya”), Bençe Varkoni (“Zalaeqerseq”) və Cebrail Makretskis (“Ferensvaroş”) üçün hərəsinə 1 milyon avro ödənilib. Renaldo Sefas, Zakariya Savo, Martin Zlosmisliç, Samuel Lobato və Jali Muadib də yeni transferlər sırasında yer alır.

Məqalədə “Qarabağ”ın baş məşqçisi Qurban Qurbanovun Avropada özünəməxsus yerə sahib olduğu qeyd olunaraq, komandanın əvvəlki gücündə olmasa da, hələ də istənilən rəqib üçün ciddi təhlükə yaratdığı vurğulanıb.