"Qarabağ"ın UEFA Avropa Liqasının II təsnifat mərhələsində Bolqarıstan təmsilçisi MOİK (Sofiya) komandasına qarşı keçirəcəyi hər iki oyunun hakim təyinatları müəyyənləşib.

Prosport.Az xəbər verir ki, Bakıdakı matçı italiyalı Daniele Çiffi idarə edəcək.

Ona həmyerliləri Covanni Baççini və Alessandro Lo Çiçero köməklik göstərəcək. 4-cü hakim funksiyasını Daniele Perenzoni yerinə yetirəcək. VAR-da Valerio Marini, AVAR-da Federiko La Penna fəaliyyət göstərəcək.

Səfərdəki görüşdə belçikalı FIFA referisi Bram Van Drişşe söz sahibi olacaq. Mişel Seldreyers və İv De Neve yan xətt hakimi kimi təyinat alıblar. Kevin Van Damme 4-cü hakim fuknsiyasını yerinə yetirəcək. VAR-da Bert Put, AVAR-da Vesli De Kremer yer alacaq.

Xatırladaq ki, "Qarabağ" - MOİK oyunu iyulun 23-də, cavab matçı iyulun 30-da səfərdə keçiriləcək.