"Kəpəz" daha bir legionerin transferini həyata keçirib.

Prosport.Az-ın xəbərinə görə, Gəncə klubu sol cinah vingeri Aksel Uri ilə anlaşıb.

27 yaşlı futbolçu Fransada doğulsa da, milliyyətcə Mərkəzi Afrika Respublikasındandır (MAR). O bu ölkənin millisində 2021-ci ildən 9 oyun keçirib. Sonuncu dəfə martda MAR-ın təlim-məşq toplanışı üçün yığmaya dəvət alıb.

Aksel Uri Fransada "Nim" və "Qenqam"ın B komandalarında, eləcə də "Kretey" və "Konkarno"da çıxış edib. Bundan başqa, o, Qətərin "Əl-Xurintiyat" və Türkiyənin "Sarıyer" klublarında oynayıb. Uri ötən mövsümün 2-ci yarısını Serbiyanı "Radnik" klubunda keçirib.

Qeyd edək ki, daha əvvəl "Kəpəz"in zambiyalı, ötən mövsüm "Mingəçevir"də çıxış etmiş sağ cinah vingeri Kenet Kalunqa ilə anlaşdığını qeyd etmişdik.