“Qarabağ” və “Neftçi” eyni gündə Bolqarıstanda oyun keçirəcək. 

Prosport.Az-ın xəbərinə görə, “Qarabağ” iyulun 30-da UEFA Avropa Liqasının II təsnifat mərhələsinin cavab oyunu çərçivəsində Bolqarıstanın paytaxtı Sofiyada ÇSKA-nın (MOİK) qonağı olacaq. 

Həmin gün “Neftçi” də Bolqarıstanda oyuna çıxacaq. Minsk “Dinamo”su UEFA qadağası səbəbindən ev oyunlarını Minskdə keçirə bilmədiyindən, Bolqarıstanın Stara Zaqora şəhərininin “Beroe” stadionunu ev meydançası kimi sifariş edib. Bu səbəbdən iyulun 30-da “Neftçi” UEFA Konfrans Liqasının II təsnifat mərhələsinin “Dinamo” ilə cavab oyununu bu şəhərdə keçirəcək.