FİFA DÇ-2026-nın İspaniya – Argentina finalı ərəfəsində dünya çempionatları tarixində ilk dəfə azarkeşlər üçün xüsusi mətbuat konfransı təşkil edəcək.

Prosport.Az xəbər verir ki, "ESPN" nəşrinin məlumatına görə, FİFA finaldan bir gün əvvəl keçirilən ənənəvi mətbuat konfransından imtina edib.

Qurum kommersiya tərəfdaşı "Fanatics" ilə birlikdə dörd gün davam edəcək ödənişli tədbir təşkil edəcək. Tədbir çərçivəsində azarkeşlər dünya idmanının tanınmış simaları ilə görüşmək imkanı əldə edəcəklər.

Qiymətlər belədir:

Tam ailə paketi: 857,04 ABŞ dolları

Yalnız mətbuat konfransına giriş (böyüklər üçün): 81,54 ABŞ dolları

Məlumata görə, hər iki yığmanın baş məşqçiləri və futbolçuları tədbirdə iştirak edəcəklər. Lakin azarkeşlərə onlara sual vermək imkanı yaradılmayacaq.

Qeyd edək ki, tədbir iyulun 17-də ABŞ-ın Nyu-York şəhərində yerləşən "Javits Center" sərgi mərkəzində keçiriləcək.