"Qarabağ"ın UEFA Avropa Liqasının II təsnifat mərhələsindəki potensial rəqibi müəyyənləşib.

Prosport.Az xəbər verir ki, Ağdam təmsilçisi I təsnifat mərhələsində İslandiyanın "Vestri" (İslandiya) komandasını mübarizədən kənarlaşdırsa, Bolqarıstanın MOİK kollektivi ilə qarşılaşacaq.

Sofiya təmsilçisi I təsnifat mərhələsində İrlandiyanın "Derri Siti" komandasını 2 oyunun nəticəsinə əsasən, 5:3 hesabı ilə məğlub edib.

Xatırladaq ki, "Qarabağ" "Vestri"yə Bakıdakı ilk matçda 3 cavabsız qolla qalib gəlib. Hazırda davam edən cavab görüşündə Ağdam təmsilçisi öndədir - 1:0.